На почетокот ви беше забавно што партнерот е опуштен, спонтан, кој ве води во авантури и ништо не сфаќа сериозно. Но, по одредено време, премногу често го затекнувате како игра видео игра наместо да прави нешто што го ветил, никогаш нема пари и има илјада животни проблеми. Можеби сте во врска со „вечното дете“ – а тоа ќе го покажат овие знаци.
Да се биде во врска со „вечно дете“ може да биде исцрпувачки.
Во раните 1980-ти, терминот „синдром на Петар Пан“ се користел за да се опишат мажите кои одбивале да пораснат.
Овие мажи се емотивно незрели, несигурни и често неуредни.
Ова се сигнали кои укажуваат дека сте во врска со таква личност, вели терапевтот д-р Џен Ман.
Неговиот дом е секогаш неуреден
„Вечното дете“ ќе го препознаете по тоа што зад себе остава трага од неред и нечистотија. Д-р Ман објаснува како нејзината пријателка Меган еднаш излегувала со човек чиј стан бил толку неуреден што првиот пат кога го видела врескала на цел глас бидејќи мислела дека некој провалил.
Се однесува како студент
Често го гледате со буре пиво, иако веќе не е на факултет. Тој сака забава. Тој се однесува како адолесцент надвор од контрола околу своите пријатели и сака да се шегува со луѓето.
Тој секогаш има изговор
Секогаш постои причина зошто не дошол навреме, зошто не можел да ги плати сметките или не ја исполнил својата обврска – а тоа никогаш не е негова вина. Секогаш е жртва, никогаш не може да види дека е заеднички чинител во неговите проблеми.