Силен земјотрес, синоќа 25 минути по полноќ ја погодило Србија, јавуваат тамошните медиуми. Епицентарот бил на неколку километри од Крагуевац и според Републичкиот сеизмолошки завод бил со јачина од 4,1 степен според Рихтеровата скала.
Европско-медитеранскиот сеизмолошки центар, пак, го регистрирал земјотресот до јачина од 4,4 степени според Рихтеровата скла.
„Одеднаш по полноќ почнаа да се тресат вратат и прозорците, добро стресе“, вели граѓанка на Крагуевац за Н1.
Покрај во овој град, земјотресот се почувствувал и во Кралево, но и во Белград.
Пред четири дена, исто така, имаше земјотрес во Србија. Беа регистрирани пет земјотреси со епицентар недалеку од Младеновац. Најјакиот беше од 3,7 степени според Рихтеровата скала.