Светскиот економски форум (СЕФ) има три совети за тоа како да го зачуваат своето здравје сите оние кои работат од дома.
Првиот се однесува на ‘рбетниот столб затоа што многумина се принудени да седат долго време и да користат компјутер. Затоа се препорачува да седите на што е можно поудобна столица, со екранот на ниво на очите и стапалата рамно на подот, односно да седите без да ги прекрстувате нозете.
Вториот совет е да се будите во време кога сте се буделе и кога требало да одите во канцеларија, т.е. до работното место. Ова, исто така, создава можност за кратко утринско петминутно вежбање кое ќе биде и тоа како корисно за мускулите и ќе поттикне подобра циркулација на крвта.
Третиот совет е да вежбате надвор од работното време. Светската здравствена организација (СЗО) препорачува половина час вежбање за возрасни секој ден и едночасовно вежбање за деца секој ден.