Крунисувањето на кралот Чарлс Трети (74) е историски настан за кој ќе се зборува со денови, а една од главните теми секако се спорните браќа Хари (38) и Вилијам (40).
И додека постариот Вилијам и неговото семејство го следеа најважниот ден на неговиот татко од првиот ред, забеганиот син Хари доби место во „далечната“ трета и седеше со своите сестри, принцезите Беатрис и Евгенија, ќерките на принцот Ендрју и нивните сопрузи.
Ова беше прва средба меѓу браќата по експлозивните мемоари на Хари, The Reserve, во кои тој упати низа обвинувања против своето семејство, па не е изненадување што сите очи беа вперени во нив. Некогаш блиските браќа не се ни погледнаа, дури ни кога Вилијам и Кејт (41) влегоа со своите деца во Вестминстерската опатија, а по објавувањето на книгата првпат го сретнаа Хари во иста просторија.
Додека одеа до своите места, лицето на Хари го бараше погледот на Вилијам, но безуспешно.
За време на церемонијата камерите го фатија и како неколку пати гледа кон својот брат, идниот крал, но и без особен успех.
Хари не се ни појави на балконот со остатокот од семејството по церемонијата, а веднаш по церемонијата, со широка насмевка на лицето, влезе во автомобилот, а потоа во авионот за да се врати во Америка кај своето семејството.
Таму беше пречекан од неговата сопруга Меган Маркл , ќерката Лилибет Дијана и синот Арчи, кој тој ден го прослави својот 4-ти роденден. Денес многу луѓе се прашуваат дали Вилијам некогаш ќе му прости за се што кажа, но и за се што напиша…