СДСМ за утревечер го закажа состанокот на Централниот одбор на кој се очекува оставка на претседателот на партијата и премиер Зоран Заев.
Седницата требаше да се одржи во вторникот, но беше одложена поради тридневната жалост.
Постапката за избор на нов претседател на партијата, според статутот на партијата, започнува со рокот од 15 дена за распишување внатрепартиски избори за нов претседател на СДСМ.
Како што најави самиот Заев, новиот претседател на владеачката партија треба да биде и мандатар на новата влада.
Утревечер заседава и Алтернатива чие централно претседателство треба да одлучи дали ќе ја прифати понудата на Заев да биде дел од Владата во наредниот период.