Уште пред две години реков дека Дончиќ е најдобар кошаркар на светот

Кошаркарската репрезентација на Словенија благодарение на неверојатниот Лука Дончиќ кој постигна 48 поени, ја совлада Аргентина со 118:100 на стартот на ОИ.

По натпреварот, селекторот и најдобрите кошаркари на Аргентина им честитаа на Словенците притоа донесувајќи заеднички заклкучок – дека Дончиќ ги уништи.

– Тешко е да се анализира натпреварот кога еден играч е толку доминантен. Тоа го кажав пред две години, и сега повторно ќе го кажам: Лука е најдобар кошаркар на светот. Тој многу брзо го прочита нашиот план во одбраната и не уништи. Не натера да ја промениме стратегијата. Можеби ова звучи како оправдување,но немавме решение за него – изјави селекторот на Аргентина, Серхио Ернандез.