EXCLUSIVE MK
ВЕСТИ Македонија НАСЛОВНА

Филипче: Повредените патници се надвор од животна опасност

Повредените се членови на едно семејство од кои најмладото лице е 16-годишна девојка. Сведоци раскажуваат дека патниците го скршиле задниот прозорец за да се спасат.

Министерот за здравство, Венко Филипче изутринава ги посети повредените патници во сообраќајната несреќа во Бугарија, во која најмалку 45 лица ги изгубија животите. Тој информираше дека преживеаните седуммина патници се во стабилна состојба и надвор од животна опасност. Тие се хоспитализирани во болницата „Пирогов“ и се со полесни повреди.

Филипче рано изутринава замина во Бугарија заедно со премиерот Зоран Заев и со министерот за надворешни работи Бујар Османи.

„Веста за страшната трагедија што се случи во Бугарија не потресе сите. Многу млади изгубени животи, неизмерна тага и болка за семејствата до кои изразувам сочувство. Утрово во болницата во Софија ги посетив патниците кои ја преживејаа страотната сообраќајка. Во разговор со колегите од Клиниката, пациентите се згрижени, соодветно третирани и сите се стабилни и надвор од животна опасност“, информираше Филипче.

Според министерот, само еден од повредените има скршеница, но сите се во стабилна состојба, контактабилни, навремено згрижени. Тој вели дека повредените се членови на едно семејство од кои најмладото лице е 16-годишна девојка.

Претходно премиерот Зоран Заев изјави дека најголем број од патниците се македонски државјани. Меѓу патниците имало и српски државјанин од Прешево кој со вереницата од Куманово бил дел од групата, а еден патник имал белгиско државјанство. Автобусот е на превозникот ‘Беса транс‘ од Скопје.

Кога настанал пожарот и несреќата на македонскиот автобус во Бугарија, повредените патници успеале да скршат прозорец кој бил на задните седишта и да се спасат. „На задните делови од автобусот, на задните седишта, успеале да го скршат прозорецот и да се спасат овие седум луѓе“, вели Заев.

Тешката несреќа се случи ноќеска пред два часот на магистрала Струма, во близина на Перник. Македонските државјани биле на враќање од Истанбул, каде што заминале на 18 ноември.

Во изгорениот автобус имало 52 патници, а од нив 12 се деца под 18 години. БТВ јавува дека жртвите од трагедијата што се случи со македонскиот автобус на автопатот „Струма“ во Бугарија, се од Скопје, Струмица, Битола и Велес.

МОЖЕБИ ЌЕ САКАТЕ ДА ПРОЧИТАТЕ И ЗА ...

Од викендов започнува зимското сметање на времето

Angela

Познат точниот датум за локалните избори

Angela

ВИДЕО: Само она има храброст да облече вакви бикини -сите на плажа гледаа во Сораја

Angela