EXCLUSIVE MK
Кошарка

Финале пред финалето во Токио, Шпанците најголеми губитници!

Четвртфиналето на Олимписките игри во Токио ќе донесе дуел на репрезентациите кои беше проектирано да се сретнат во мечот за титулата.

Дополнителната ждрепка ги спои Шпанија и САД откако двете селекции претрпеа по еден пораз во групната фаза. Иако Американците секогаш се фаворити на големите натпреварувања, не може да се каже кој е во предност пред овој меч кој секако ќе го привлече вниманието на светската кошаркарска јавност.

Кој и да триумфира, ќе има тешка задача и во полуфиналето бидејќи ќе игра против уште еден голем фаворит за титулата – Австралија или Аргентина.

Поради победата против Шпанија, Словенија доби многу полесен пат до завршницата и се чини дека има голема шанса да стигне дури и до финалето. Следен противник на европскиот првак е најголемиот аутсајдер во четвртфиналното друштво Германија, а во случај на триумф Словенците ќе се сретнат со подобриот од пресметката меѓу Италија и Франција.

Четвртфиналните натпревари на Олимписките игри во Токио се на програмата на 3 август.

МОЖЕБИ ЌЕ САКАТЕ ДА ПРОЧИТАТЕ И ЗА ...

Уште пред две години реков дека Дончиќ е најдобар кошаркар на светот

Angela

Пораз од Шпанија за македонските јуниори на ФИБА купот

Angela

Далас и Дончиќ ја поминаа Јута, следен им е Феникс (ВИДЕО)

Angela