Британската принцеза Кејт Мидлтон на својата листа за посети и активности го додала новоотворениот музеј „Young V&A in Bethnal Green“. Тоа е национален музеј на применета уметност на Обединетото Кралство, специјализиран за предмети за деца, а принцезата е покровител на институцијата.
Може да се каже дека тоа било една од низата посети на принцезата која сака да разговара и да разменува впечатоци со домаќините, но и со луѓето кои често ја поздравуваат на многу настани. Сепак, оваа посета Кејт ја направи посебна со својот изглед.
Таа се појави во нежно розов миди фустан со кратки ракави, кој е украсен со копчиња на градите и ракавите, а ременот е на половината, што е идеално решение за витката Кејт Мидлтон.
Со овој фустан се чини дека ниту една друга фризура не оди добро освен нежните локни, што Кејт секако го потврди и создаде вистинска победничка стилска комбинација.
