EXCLUSIVE MK
Uncategorized

Храна која е лоша и нездрава за бебињата

На бебињата не им се потребни многу калории, но им требаат хранливи материи и здрави состојки. Сепак, некои намирници кои обично им се нудат на бебињата во основа се целосно безвредни и нездрави.

Тоа, обично, е храна богата со калории, шеќер или сол и сиромашна со хранливи материи. Овој нутритивен дефицит може дури и да му штети на развојот на новороденчето, смета Кристин Гербштат, докторка од американската Академија за исхрана и диететика.

Таа пред сѐ, препорачува да се избегнува цврста храна. Тврдата, леплива, крупна, лизгава храна не е безбедна за малите деца, бидејќи може да доведе и до задушување. Тука се земаат предвид виршли, колбаси, поголеми парчиња месо и сирење, грозје, пуканки, голем сиров зеленчук, цели ореви, лешници, бадеми…

Според едно истражување од 2008 година, на некои бебиња им се даваат безалкохолни пијалаци секој ден – па дури и газирани сокови. Според стручните лица, газираните пијалаци не содржат апсолутно никакви хранливи материи, а конзумирањето значи помалку храна што му е навистина потребна на малото тело во развој. Исто така, овие сокови содржат многу шеќер, што може да предизвика расипување на забите и други здравствени проблеми.

Друг научен труд покажува дека околу 14 отсто од девет месечните деца јадат помфрит најмалку еднаш неделно. Тој број се зголемува на над 40 отсто кај 12-месечните деца. Тоа значи многу маснотии, шеќер, сол и калории и многу малку здрави хранливи материи.

Најдобро подготвената храна за бебиња е едноставна, има малку состојки, без додавање сол, шеќер или модифициран скроб. Здрав десерт погоден за деца е, на пример – печено, пасирано јаболко со малку цимет. Користењето сок за засладување на храната, исто така, не е добра идеја. Шеќерите во сокот можат да го забрзаат варењето на храната, попречувајќи ја способноста на телото на бебето правилно да ги апсорбира хранливите материи.

МОЖЕБИ ЌЕ САКАТЕ ДА ПРОЧИТАТЕ И ЗА ...

Со какво мени до долговечност?

Angela

БЛЕДА КАКО КРПА И ДРАСТИЧНО ОСЛАБЕНА – Анабела Атијас непрепознатлива по објавата каде прима инфузија во болница (ФОТО)

Angela

Познат точниот распоред, еве кога ќе започне крунисувањето на кралот Чарлс Трети

Angela