EXCLUSIVE MK
ВЕСТИ Македонија НАСЛОВНА

ЈСП: Студентите од државните факултети во Скопје имаат право на бесплатен билет

Сите редовни студенти запишани за прв пат во учебната 2021/2022 година на некој од државните факултети во Скопје дека имаат право на користење на студентски годишен билет за бесплатно користење на јавен превоз. Процедурата за издавање на билетот се врши во центрите за персонализација на ЈСП Скопје, а неопходно е лично присуство на студентот, информира ЈСП. Останатите студенти за да ја продолжат важноста на легитимацијата треба да приложат потврда дека се редовни студенти.

„Ги информираме бруцошите дека е неопходно да приложат потврда за редовен студент издадена од матичниот факултет, лична карта и индекс на увид, како и 200 денари, еднократен надомест за изработка на персонализирана картичка „Скопска”.На бруцошите, билетот автоматски им важи до истекот на наредната календарска година“, наведуваат од ЈСП.

Останатите студенти, за да ја продолжат важноста на билетот за 2022 година, треба да достават потврда за редовен студент не постара од еден месец и да приложат индекс со запишан зимски семестар.

Право на користење на билетот имаат сите редовни студенти на државните факултети во Скопје до додипломски студии, без ограничување на возраста.

„Потсетуваме дека единствено „Скопска” со соодветниот билет е единствен валиден документ за бесплатно користење на јавен превоз од страна на студентите кои ги исполнуваат условите за студентски годишен билет. Не се признаваат индекс, потврда за редовен студент и слично“, нагласуваат од претпријатието.

Студентскиот годишен билет за бесплатен превоз важи за неограничен број возења за сите линии (градски и приградски), но не и за превоз во ноќна тарифа.

За дополнителни информации, студентите можат да се обратат на 02-3171-881, во Одделение за продажба при ЈСП Скопје, како и на фејсбук страната на претпријатието facebook.com/jspskopjee.

МОЖЕБИ ЌЕ САКАТЕ ДА ПРОЧИТАТЕ И ЗА ...

Брз и лесен летен рецепт за „паста ала зука“, фората е во тиквичките

nenad

ОВАА магична реченица ќе ви ја спаси врската или бракот, ја завршува секоја расправија

Angela

Се соблече и ги стисна градите на Велигден – најпознатата хрватска навивачка во танга позираше како зајче, а кога ги крена нозете сите гледаа во овој детаљ (ФОТО)

Angela