EXCLUSIVE MK
Медицина НАСЛОВНА

Експерт: Платнените маски не штитат од делта сојот

Од почетокот на пандемијата на коронавирус, здравствените експерти советуваат да носите заштитна маска за да го намалите ризикот од заразување со вирусот. Но, не сите маски се подеднакво ефикасни.

Мајкл Остерхолм, директор на Центарот за истражување и политика за заразни болести на Универзитетот во Минесота, наведува дека платнените маски и марамите не се толку ефикасни во заштитата од вируси и дека маските N95 кои содржат филтри се многу подобра опција.

Остерхолм посочува дека маските не го спречуваат ширењето на вирусот колку што мислат некои луѓе. Американските центри за контрола и превенција на болести (ЦДЦ) наведуваат дека платнените маски обезбедуваат одредена заштита и дека ефективноста на овие маски зависи од видот на ткаенината, бројот на слоеви и колку правилно се прилепува на лицето.

ЦДЦ постојано ги проучува сите овие фактори. Досегашните студии покажаа дека повеќеслојните платнени маски штитат подобро од еднослојните маски и дека во некои ситуации можат да филтрираат околу 50 проценти од фините честички на вирусот, според ЦДЦ.

Маските доведоа до пад на бројот на новозаразени

Претходните анализи покажаа дека носењето маски кај општата популација доведе до голем пад на бројот на новозаразени.

„Мораме да зборуваме за подобра заштита со маските. Мораме да зборуваме за маските N95 кои можат да направат многу и за невакцинираните и за оние кои не биле заразени порано“, рече Остерхолм.

ЦДЦ ги класифицира маските КН95 и Н95 како оние „дизајнирани и тестирани за да се осигура дека тие работат на конзистентно ниво за да спречат ширење на ковид-19“, пишува The Hil.

Остерхолм посочува дека денес знаеме многу повеќе за ефикасноста на маските отколку што знаевме на почетокот.

Скот Готлиб, поранешен комесар на Администрацијата за храна и лекови (ФДА), рече дека е потребна квалитетна маска за да се заштитиме од вирус каков што делта. Тој, исто така, нагласи дека маските КН95 и Н95 би можеле да бидат многу поефикасни.

МОЖЕБИ ЌЕ САКАТЕ ДА ПРОЧИТАТЕ И ЗА ...

Облачно време со повремени врнежи од дожд, температурите до 15 степени

Angela

Кафето кое го купуваме наскоро ќе има се полош вкус

Angela

Храна која го продолжува животот

Angela