Вечерва во 23.07 часот земјотрес се почувствува во Скопје, а тоа го регистрираше и Европскиот макросеизмички центар.
Земјотресот со јачина од 3,3 степени по Рихтерова скала е регистриран на македонско косовската граница.
Епицентарот е на 27 километри северозападно од Скопје, и на 12 километри југозападно од Витина, Косово.
Земјотресот бил на длабочина од 2 километри.
Земјотресот е регистриран од апаратите на Сеизмолошката опсерваторија во Скопје и од Сеизмолошкиот завод во Белград.