EXCLUSIVE MK
ЗДРАВЈЕ НАСЛОВНА Убавина

Поправете ги несовршеностите на лицето

На сите ни се случува, понекогаш или често, да имаме потреба да прикриеме некој недостаток на лицето. Дали тоа ќе биде црвена дамка, капилара или темните кругови под очите не е важно. Важно е прикривањето да го направиме на професионален начин, за да не го направиме проблемот поголем и позабележлив.

Најчесто недостатоците кои сакаме да ги покриеме со коректор имаат своја боја. Темните кругови околу очите имаат темно-лилава боја, капиларите и дамките од акни – црвена боја.

За да ги сокриеме проблемите на лицето и да имаме еднаков тен, потребно е да ги неутрализираме тие бои, со помош на коректори за лице во боја.

КАКОВ КОРЕКТОР ВИ Е ПОТРЕБЕН?

Боите кои неутрализираат се оние бои, кои се наоѓаат на спротивната страна на тркалото на боите. На пример: за да ја неутрализирате сината боја, потребна ви е жолта, а за црвената – зелена.

Најраспространети се коректори во три бои и тоа зелена, жолта и лилава.

  • Зелен коректор. Се користи за да ги прикрие црвените дамки од акни и капиларите.
  • Лилав коректор. Се користи за да се покријат жолтите несовршености на кожата на лицето, како жолти модрици.
  • Жолт коректор. Се користи за да ги покрие лилавите модрици и темните кругови под очите.

Откако ќе го нанесете коректорот, прекријте го со течна пудра.

Ако употребувате обичен коректор, со боја како тенот на вашето лице, нема да го прикриете проблемот, затоа што црвените дамки или темните кругови сè уште ќе се познаваат. Затоа, запомнете секогаш прво да ги неутрализирате недостатоците, а потоа да ги прикриете со течна пудра.

МОЖЕБИ ЌЕ САКАТЕ ДА ПРОЧИТАТЕ И ЗА ...

АНАЛИЗА : Бруто надоворешниот долг близу до 10 милијарди евра , каква е состојбата со Јавниот дол!

Angela

Со летното сметање на времето стартува и летниот ред на летање

Angela

Нема кој не ги сака: Рецепт за највкусните палачинки

Angela