ПСЖ по осум едноподруго победи на стартот од сезоната во француското првенство изминатиов викенд го доживеа првиот пораз, а со него дојдоа и жестоки критики кон најголемата ѕвезда на тимот.
Рен во неделата славеше со 2-0 против ПСЖ кој настапи и со Мбапе, Нејмар, Меси, Ди Марија… а не упати ниту еден шут во рамките на противничкиот гол.
На најголем удар на француските медиуми по поразот се најде Нејмар. Л’Екип во својата анализа наведува дека Бразилецот е далеку од фудбалер каков бил во времето на настапи за Барселона. „За последните свои два гола потроши 41 удар кон противнички гол“ – пишува Л’Екип.
Според највлијателниот европски спортски медиуми, од Нејмар во техничка смисла нема никаква корист а очигледно е дека и нема некој посебен мотив во него за квалитетни изданија во дресот на ПСЖ.
Извор: Екипа.мк