EXCLUSIVE MK
Автомобили НАСЛОВНА ТЕХНОЛОГИЈА

Pininfarina го презентираше дизајнот за Foxconn Model E

Технолошкиот гигант Foxconn, компанијата која ги произведува iPhone телефоните за Apple, навлегува и во сферата на автомобилите, а за таа цел претстави три нови нови модели. Станува збор за Model C компактниот кросовер, Model T и седанот Model E. Токму за последниот сега се појавија дополнителни детали, а истиот е дизајниран во соработка со Pininfarina, славната италијанска дизајнерска куќа. Самото деби не откри многу детали за самиот автомобил, но затоа новото видео објавено на YouTube каналот на Pininfarina дава дообјасување за моделот, особено за дизајнот на екстериерот и ентериерот.

Дизајнот на надворешноста е мошне впечатлив, со „паметни површини“ на предниот и задниот дел и на вратата. Овие детали му овозможуваат на автомобилот да контактира со околината, прикажувајќи поздрав или насока за велосипедистите. Model E на Foxconn е дизајниран како луксузно возило, со силни, одважни линии и елегантен светлосен потпис.

Според Pininfarina, Model E, кој е брендиран како Foxtron, испорачува 750 КС и достигнува од нула до „стотка“ за 2,8 секунди, а притoа нуди опсег на движење од 750 километри.

Во внатрешноста, обвивка на елегантен дизајн се протега од предните врати, преку столбот и до задните врати. Автомобилот има препознавање на лицето додека се приближувате до него, а главна одлика се екраните кои се обвиткуваат и во кои се поставени инструменталниот кластер, инфозабавниот екран и уште еден дополнителен екран од левата страна на возачот.

И понатаму остануваат непознати деталите за голем број од карактеристиките на возилото, но она што го покажа Pininfarina делува навистина импресивно кај Model E. Автомобилот, задно со другите две електрични возила на Foxconn треба да се најдат во продажба во 2023 година. Новиот модел се очекува да биде ексклузивен за Тајван на почетокот, освен ако не се обвистинат шпекулациите за Apple Car.

МОЖЕБИ ЌЕ САКАТЕ ДА ПРОЧИТАТЕ И ЗА ...

Поза која ги излуде сите: Ги плаши мажите, жените ја обожуваат, а секој би ја пробал

Angela

Голема промена на „Twitter“: Во иднина е забрането споделување снимки од луѓе без нивна дозвола!

Angela

Три начини како брзо да се вратите во форма без никакви проблеми

Angela