Домашното е секогаш подобра опција
Слатките и сочни јагоди не само што изгледаат добро и имаат добар вкус, туку се и многу здрави, па затоа е препорачливо да ги јадете додека трае сезоната.
Доколку сте љубители на домашните сокови и јагоди, тогаш ќе ве воодушеви рецептот кој ви го подготвивме денес.
Состојки:
2 кг јагоди
2 л вода
1 кг шеќер
1 лимон
2 кесички лимонтус
Подготовка:
Истурете ги водата и шеќерот во тенџере, па ставете го на средна температура.
Јагодите измијте ги и извадете ги дршките, па изблендирајте ги со блендер.
Во зовриена вода додадете ги јагодите и варете 30 минути.
Цело време тргајте ја пената од површината.
Кон крајот на варењето, додадете го сокот од лимон и лимонтусот.
Истурете го сокот во стерилизирани шишиња и чувајте ги на ладно и суво место.
Уживајте!