Припадниците на Министрството за внатрешни работи при рутинска сообраќајна контрола запреле лесно товарно возило (комби) со кумановски регистарски таблички, при што во него забележале присуство на мигранти.
Во возилото имало 20 лица, од кои 18 од Конго, едно лице од Камерун и едно од Авганистан.
Настанот се случил на автопатот Гевгелија – Скопје, после клучка Смоквица.
Полициски службеници од Полициската станица за граничен премин и граничен надзор Богородица дале знак за запирање на товарно возило „цитроен џампер“ со кумановски регистарски ознаки, при што возачот го напуштил возилото.
Мигрантите биле сместени во прифатно-транзитен центар за понатамошна постапка, а за настанот бил известен јавен обвинител.
МВР најави дека ќе поднесе соодветна пријава по целосно расчистување и документирање на случајот.