EXCLUSIVE MK
ЗДРАВЈЕ Исхрана

Крцкаво и вкусно: рецепт за пирошки со шунка

Потребни состојки:

350 г брашно

150 г варени компири

20 г квасец

1 лажичка сол

50 г путер

2 жолчки

Околу 150 мл млеко

За фил

150 г шунка

150 г кисела павлака

Сечкан магдонос

Бибер

Начин на подготовка:

Замесете тесто од брашно, варени и пасирани компири, додајте сол, жолчки, путер, квасец и топло млеко.

Оставете го тестото на страна и подгответе фил: исечкајте шунка на ситни коцки, зачинете со бибер, додајте павлака и сечкан магдонос и измешајте.

Размесете го тестото со дебелина од околу половина сантиметар, исечете триаголници. На средина на секој триаголник, по должина ставете од филот, направете пирошка и ставете ја на чинија, па повторете ја постапката со остатокот од тестото.

Откако ќе ги направите сите пирошки, ставете една по една во загреано масло и пропржете кратко додека да добијат убава боја. Извадете ги на чинија да го впие остатокот од маслото.

Послужете ги додека се уште топли со јогурт или кисело млеко.

МОЖЕБИ ЌЕ САКАТЕ ДА ПРОЧИТАТЕ И ЗА ...

Кои витамини и минерали се задолжителни по 40-та година од животот

Angela

Здрави палачинки кои можете да ги јадете без грижа на совест

Angela

Неуромедика доби две награди на Balkan Medical Awards 2022

Angela