Дерматолог ни открива кој е најважниот производ за нега на кожата, а повеќето од нас не го користат редовно…
Д-р Сандра Ли, попозната по името Dr Pimple Popper и снимките на кои на луѓето им третира страшни мозолчиња, сега ни открива што смета дека е најважниот производ за нега на кожата.
„Не ви се потребни многу пари. Кремата со заштитен фактор е најважната работа во негата на кожата, а нема потреба да трошите пари на скапи сапуни, тоници и слични работи“, тврди таа.
Зборувајќи за тоа дека на пазарот се достапни стотина различни производи за нега на кожата, овој дерматолог смета дека единствено ретинолот е „вреден“.
„Сметам дека вреди да се користи ретинол – инаку се користи за третирање на темни дамки, спречување на појава на брчки и акни“.
Значи, слушнавте, за најважен производ д-р Ли ја смета кремата со заштитен фактор, која повеќето од нас ја користат само на море, а многу дерматолози сметаат дека би требало да ја користиме секојдневно, за да го спречиме забрзаното стареење, појавувањето на дамки од сонце и за да ја заштитиме кожата од зрачење.