Кога ќе се споменат обланди, веднаш помислуваме на детството. Нашите баби ги правеа најдобрите обланди, а ние ви претставуваме рецепт за едни.
Состојки:
700 гр шеќер
200 мл вода
150 гр маргарин
400 гр млеко во прав
200 гр кокос
100 гр бело чоколадо
100 гр црно чоколадо
2 кори големи обланди
1 киндер обланда
Подготовка:
Истурете ги шеќерот и водата во тенџере и измешајте. Омекнете ги малку двете чоколади. Во друг сад ставете го омекнатиот маргарин, млекото во прав и кокосот. Кога ќе го стопиме шеќерот го истураме во маргаринот, млекото во прав и кокосот.
Добро измешајте со миксер. Поделете на два дела. Во едниот ставете бело, а во другиот омекнато темно чоколадо.
Наполнете ги дупчињата на кружната киндер обланда со бел фил. Покријте со рамна обланда.
Превртете од другата страна, па со темниот фил пополнете ги празнините на киндер обландата. Покријте со обична обланда.
Притиснете ги обландите со некои книги да се стегнат 2-3 часа.