Иако нашите култоролошки навики налагаат појадокот најчесто да биде мрсен или само прост јаглехидрат, односно бурек и можеби јогурт, најдобро е појадокот да биде балансиран за да ви тргне денот на права нога, со тоа што наместо да клапнете веднаш наутро, ќе имате многу енергија.
Порцијата на појадокот, односно количината на групите од храна зависи вашата тежина и активност во текот на денот, па затоа прилагодете според потребите.
Балансираат појадок треба да содржи најмалку три од петте групи на храна:
– Протеин/Млечни производи: кисело млеко, јогурт, млеко, урда, сирење, јајца или само белки, дури и пилешко месо или мисиркино
– Јаглехидрати: овес, житарки(без шеќер), интегрален леб, пченица, хељда, амарант
– Здрави масти: јатки, путери од јатки(природни, незашеќерени), чија, авокадо, малсино масло итн.
– Овошје/Зеленчук: банана, шумско овошје, јаболка, портокали, краставица, домат, спанаќ, печурки…